افتحوا المنادر

افتحوا المنادر وارسموا الضحكه على الوش

اصله الزمن دا مش بيسير فيه غير  الغش

بتضحكوا على نفسكم ولا على الناس

كفايه وبلاش صوت عالى عبتوا حياتنا وش

افتحوا المنادر

افتحوا المنادر النايب جاى يضحك عليكو

يعرفكوا وقت المصلحة بتاعته بس

ولو قابلك  بعد النهارده ولا يشفكو

فمتفرحوش قوى كلها مصالح بس

افتحوا المنادر

بوسوا الايادى علشان تتشافوا

وتتقضى مصالحكم ولا تخافوا

ياما ناس على اهاليهم داسوا

بس لا هم عايشين ولا هم ماتوا

افتحوا المنادر

فرحان بنايب جالك وقت عازته

وينساك علطول بعد نجاحه

ولو ليك مصلحة عنده ما تعرف تقابله

كل خيره بيكون بس لقرايبه

افتحوا المنادر

اصحى وفوق بلاش توطى نفسك قدامه

انت رحت ولا جيت فى نظره من خدامه

اصحى وفوق مره واحده واوقف قدامه

حيجى عليه يوم يفتكر وقفتك قصاده

افتحوا المنادر

هات طبله واعمله زفه

بس اعرف انه كرامتك فى كفه

هو بلاك ملهوش اى لزمه

انت اللى بتعليه وتعلى اسمه

افتحوا المنادر

بقينا بعقول فاضيه وتافهة

وكل واحد بيدور على مصلحته

وميهمهوش حتى لو باع كرامته

حتكسب ايه لما تنافق عظمته

افتحوا المنادر

افتحوا المنادر وعلقوا صورته

وزعل كل اللى ليك لما يجى اسمه

صدقنى انت اصلا مش ضمن حسبته

ولا بلدك تيجى حتى فى فكره

افتحوا المنادر

بس قولى انت حتقابلنى باى وش

وانت كلك معجون نفاق وغش

كل اللى فات معلمكش

ولا احنا اتعودنا ننساق ونتهش

افتحوا المنادر 

فى حب المصطفى

على ذكر المصطفى يحلى الكلام

احمد رسول العالمين بالاسلام

نزل بالمحبه وبالاخلاق والسلام

صلوا على نبى الهدى

من رفعه ربه سدرة المنتهى

وظهر البراق له استوى

صلوا على بكى عليه جزع الشجر

ومن استحى منه جمال القمر

ومن فى سيرته يحلو السهر

هو الشريف احمد ولافخر

ساد بخلقه البر والبحر

بمثله مثلنا يعلو ويفتخر

خير البريه وخير من خلق

رباه المولى فاحسن الخلق

انه خير اسم كتب على ورق

نادى ربه امتى امتى فلباه

وامر الجنة تفتح بهواه

محمدا خير نسبا واسمى جاه

احنا اسفين يا سيدنا الرسول

ايه ليك نشرح وايه نقول

وكيف نرجى منك شفاعه او قبول

ضيعنا طريقك وهديك بايدينا

واصبحت الجاهليه لنا دينا

واخدنا الغرب اماما وقرينا

اهلا بالموت

اهلا بالموت
بقلمى منصور أبو عبدالله
................
قولوا للموت انا فاتح له احضانى
خليه يجى ويخلصنى من حياتى
انا جاهز ومستنيه ولا ابالى

قولوله الشجره سقط ورقها
ومفيش حد سامع صراخها
وقعدتها بقت زى قطعها

قولوله الوش كبر ميت عام
والضلوع شبعت انين والام
ومفيش بينى وبين الدنيا سلام

قولوله الدمع بقى ثابت مبيمشيش
والحزن يوماتى ملازمنى مبيسيبنيش
باختصار قولوله انا مش قادر اعيش

قولوله طعم الحياه بقى مر ومرر
والكلام طالع منى بالحزن متعطر
عايش وبقل نفسى لازم استحمل واتصبر

كل حروف الكلام خنجر ومتسمم
ومليش حيله غير انى اصرخ واتكلم
لكن قدرى بيعاندى دايما وعلى كسرى مصمم

محلتيش غير شوية اشعار
بتقول وتخفف شويه من النار
حتى الشعر بقى طعمه مر صبار

قولوا للموت انا فاردله جناحاتى
ومبخفشى طول عمرى من مواتى
خلاص انا تعبت من صراخى وحكاياتى

بقلمى منصور أبو عبدالله

قدر حبك

بقلمى منصور أبوعبدالله

تحالفت مع قدرى ليأخذ ماشاء

ويترك لى حبيبى واللقاء

فخاننى قدرى واخذ منى ومنع العطاء

وما كان يدرى ان حبيبتى هى الهواء

وبعدها عنى اعظم داء

فقربها لعلاتى دواء

وبعدها والموت سواء

فشكرا لك يا قدرى

اخذت منى كل ما اشاء

عميد القلم استاذنا عمر اكرم يبدع

من مات ومن بقى

بقلم عميد القلم والريشة 

عمر أكرم أبو مغيث

_______________________

جليس اليوم في الغد مرتحلا 

وأنيس السهر فجأة  اتكأ

أمة تاهت بين الغور  تعأ 

حروب أقمعت وأطماع ذيولها تطأ

أسوار ذل أحاطت كل منبطأ

ذبلت السواسن وجف النهر العبأ

ابن آدم خاب في الحياة مندسأ

وللرجعة وجه مسود منطفئ

أرواح تسبح ورياح تسأ

انظروا إلى الحياة زلات لمن وطأ 

أمراض تعدو وأشواط فقر عبأ

هيا ... هيا ... أنقذو أرواحكم عنأ

اليوم حساب والغد حساب لمن عدأ

والموت رقية تشفي العلل المندبأ

ودعو الدنيا إن استطعتم كبأ 

ودعو أولادكم في ثورة عرأ 

ستتوالى الموتى وأنتم عجأ

ستسرق أحلامكم بالقرابين وهي تشأ 

ملكتم الدنيا وإن الملك لله عليكم تجأ.

جرحى

بقلمى منصور أبو عبدالله 

..............

اتانى الطبيب اليوم وما اظنه ينفعنى 

                          فعلل القلوب ليس لها عنده دواء 

نطق بكلمات لعله يصبرنى 

                        وقد أصبحت العلل والشفاء سواء 

بى سقم قد صابنى وحيرنى 

                               عطش ولا اظن يروينى  ماء 

فما بيدك اليوم يا طبيب تداوينى 

                           بعض العلل لا تداويها الا السماء 

فلترحل ياطبيب ولتتركنى لأنينى

                           فقد اصبح بينى وبين طبك عداء 

منصور أبو عبدالله مصر

مصر ماتت خلاص

مصر مين(مصر ماتت خلاص)
بقلمى منصور أبو عبدالله
مصر ماتت خلاص
كفايه نهرب من الحقيقه
خلينا واضحين نقولها باخلاص
احنا شعب ملناش هيبه
غير فى ممثل او رقاص
مصر ماتت فى عيون المتغرب
لما ترمى شهور في جبال
يسأل امتى نهايه الظلم تقرب
كل شئ بقى فوق الاحتمال
مصر ماتت خلاص
مصر مش بتاعت الغلابه
مصر بتاعت اللى فوق
بلاش نزود فى البلاده
ونعترف بالحقيقة ونفوق
مصر لاحمد موسى وعمرو اديب
مصر للى يعرف فن التطبيل
مصر موتت ولدها فى غربه غريب
مصر ماتت من غير عويل
مصر ماتت خلاص
مصر ماتت متبصلهاش
وامدحها من فضلك من سكات
ولو نفسك فى كلمه ماتقولهاش
لتطلع كمان ارهابى ومبتحبهاش
مصر ماتت خلاص
ماتت لما ولادها يتهانوا
على لقمة العيش سافروا
ودلوك ميقدروش يتكلموا
حتى لو جاعوا او اتدبحوا
مصر ماتت خلاص
مصر مش للغلبانين
مصر مش للشقانين
مصر للوزرا والممثلين
مصر مش للمتغربين
مصر ماتت خلاص
اسكت يا لسانى متتكلمش
ولو جواك مليون الم متصرخش
مصر بعيد قوى متسمعكش
حتى لو حد سمعك محيسعدكش
مصر ماتت خلاص
الى كل مغترب هنا وهناك
ارجوك موت من سكات
محدش سامع شكوتك وبكاك
من زمان وضمير مصر مات
لا مصر ماتت خلاص 

الكل عارف

الكل عارف
بقلمى منصور أبو عبدالله
كلنا لازم نعترف ونعرف
انه حياتنا قرف فى قرف
الكل شايف وعارف
واغلبنا ساكت وخايف
الضمير مات وانعدم
والعقل من واقعنا انصدم
سياسه عفن فى عفن
والمعقول مات واندفن
الغلبان مقهور ومنداس
واللى على فوق اقل الناس
النفاق بقى عادة وعباده
والتافه بقى فى الرياده
اخلاق ماتت ومعاها القيم
ووضع يموت فينا الهمم
الظلم بقى بحر جارف
وصاحب الحق عايش خايف
كلامنا مبقاش محسوب
والقهر بقى قدر ومكتوب
اللى ينافق يبقى محبوب
والصادق عندنا كذوب
يا ترى ايه هى العيوب
نسينا الدين والمألوف
والفجر بقى على المكشوف
الكل يتجبر من غير خوف
والقهر لحن طويل معزوف
لو ماتت الرحمه ايه فاضل تانى
العيشه مبقتشى شئ انسانى
بقينا فى غابه عايشين
والكل بيعد الايام والسنين
وكلنا اكيد عارفين
اننا مهما طالت راحلين
فوقوا يلا يا بنى ادمين
والله واعره قوى اسفل سافلين
ربنا ينجينا ونحياها بشرف
كفايانا حياه كلها قرف
بقلمى
منصور أبو عبدالله

 

راجع ميت وصية متغرب

راجع ميت ******

بقلمى منصور أبو عبدالله 

الغربه طالت وطعمها مرر 

ايامى شبه بعضها وبتكرر 

وشارب المر فيها مكرر 

والدنيا الكل فيها مسير 

********

شكلنا حنرجع منها فى تابوت 

واخرة القهر يا ناس الموت 

عمرنا بيعدى اهو ويفوت 

حتكلم احسن لى من السكوت 

***********

عندى وصيه لازم اقولها 

لو رجعت بلدى اشوفها 

وكنت فى تابوت متشال 

اصلى من الاول روحى على كفى شايلها 

*************

لما توصل جتى البلد متودهاش القبر علطول 

وخلى اخويا بس هو عنها مسؤول 

خليه يجى هو واخواتى يستقبلوها

ومن حر مالهم يتكفلوها 

***********

خليهم يودونى على بيتى 

اشم فيه ريحة ذكرياتى 

واكشفوا وشى لبنتى 

خليها تشوف اهاتى 

***********

بنتى اللى كبرت مشوفتهاش 

ولما بكت دموعها ممسحتهاش 

وخلوها تفرح لانى منستهاش 

وكنت ناوى اجهزها ومزعلهاش 

***********

وهاتوا باقى عيالى حواليه 

يدعولى ويمسكوا ايديه 

انا صح مقدرشى افتح عنيه 

بس كفايه احسهم جنبيه 

**********

وهاتوا امى توقف على غسلى 

ومتخلوهاش تحزن على موتى 

وخلوا اللى يغسلونى اخواتى 

ويعملولى ختمه تنفعى 

*********

ولو حد سأل مات ازاى هناك 

قلولهم مات فى غربه وهلاك 

وكان يقول يارب مالى سواك 

وحقى كان ضايع وحاخده هناك 

************

الغربه طالت وانا راجع متشال 

ولا عاوز يشيل نعشى عم ولا خال 

طول عمرى شجره فرعها ما مال 

ولا يوم وطانى فقر ولا علانى مال

*******

بقلمى منصور أبو عبدالله 

رساله متغرب الى مصر

من مغترب الى مصر 

بقلمى منصور أبو عبدالله 

لما نموت من الجوع ونشبع اهانه 

تبقى البلد تبص للى بيحصل فينا 

احنا اصلا على بلدنا عواله 

والله شبعنا موت ما تدفنينا 

كلها يا سيدى مصالح وسياسه 

وعارفين اننا ملناش غير اسامينا 

كل البلاد حتى الكفره فيهم 

بتدور على رعاياها 

الا مصر مفرطه فيهم 

رخاص ولادك يا مصر بيعيهم 

بقينا نتعاير انه بلدنا مش عوزانا 

هى باختصار مصالح كبار واحنا مش منيهم 

خليهم قاعدين لا شغل ولا رواتب 

وحظر شبه الموت ضارب 

هما اشتروا واحنا بنحاسب 

نزل راسك تحت انتى مصرى 

وحكومتك مش عاوزاك 

اوعى صوتك يعلى ويسرى 

ليقولوا عليك خاين وارهابى 

موت من الجوع وانت ساكت 

احسن تطلع مش مصرى 

بيان هام من مغترب جبان 

الموت جاى جاى 

بكرونا او الجوع سيان 

محدش يقولى كفاياى 

تعالوا عيشوا هنا مكانى 

واتحبسوا من غير كلام 

يا اما نشحت يا اما تانى 

على الرحمه يلا السلام 

اوعوا تلوموا لو كرهناها 

احنا عمرنا جنبنا ما شفناها 

نضرب بالنار فى عز النهار 

ونتعامل كما الحيوان 

واخر كلام عندى 

من اوله والمبتدى 

الى الله المشتكى 

منصور أبو عبدالله

مصر

المتغرب

المتغرب
بقلمى منصور أبو عبدالله
محدش اختار يتغرب
دا الغريب من تعبه بيهرب
ساكت وللذل صابر وبيشرب
مش بايده يبعد ويتغرب

حد ليه نفس يقطعه كمان
ويزود عليه همه والحرمان
هو اصلا مش فى الحسبان
عايش ميت من زمان

بلده كرهاه ومطلعه عينه
ولما يحتاجها تقول مش عاوزينه
اهو فى حضن الذل رمينه
لما كره ايامه وسنينه

شفتوا دمع المتغرب يوم سفره
ونظرته لامه ومراته وولده
شفتوا كام ضحكه كدابه فى عينه
بيضحكها لاجل يدارى حنينه

بيتغرب علشان مش لاقى
والظلم فى بلاده باقى
مربوط بيلف فى سواقى
وبيفرح دقيقه فى وقت التلاقى

المتغرب قدامه الف باب وباب
وقلبه من الهم اتعصر وداب
وكفايه عليه فراق الاحباب
اه يا زمن قاسى وكداب

بره اللقمه باهانه
والنفس متهانه
والعيشه عدمانه
وحياتنا خلصانه

عويل بيتحكم فى امره
وحقه ما هو البلد بلده
لما بلادنا قبل منه هاينانه
كفايه امانه وسيبونا فى شقانه

كل اللى بينه وبين اهله اتصال
لا قادر يرجع ولا قادر على الوصال
اصله العيشه مع الظلم محال
المتغرب شايل على كتفه جبال

سيبوه يتهان وينداس فى غربته
ربك وحده عالم بحكمته
اهو المتغرب ميت ودى كلمته
سيبوه وارحموا يا ناس دمعته

منصور أبو عبدالله
مصر

 

حى على الصلاه فى بيوتكم

حى على الصلاه فى بيوتكم
بقلمى منصور أبو عبدالله
..............
جايين نحزن على الصلاه دلوك
ولا خايفين من الموت
يعنى كنا صلينا قبل ابرك
دا الندم ما ينفع على اللى يفوت

هجرنا الجوامع لما كرهتنا
وزادت بينا مشاكلنا وكراهيتنا
وزاد الكره ما بينا
وخربت قلوبنا وذمتنا

كام مره نسمع نداها ولا نلبى
المباراه اولى الفيس اولى
اهو خلاص العمر ولى
والعمر ماشى يتسلى

قلبى بيبكى لما الصوت اترفع
وقال صلى فى بيتك
والله قلبى اتوجع
قلى ايه نفعك

شوفت حكايه ليها العجب
لما الصلاه بقت منظره
والله احنا اغراب يا عرب
وعيشتنا كلها مضحكه

اهو رفع الاذان فى الجوامع
بس المرة دى من غير وجودكم
الكل حاسس وسامع
حى على الصلاه فى بيوتكم

بقلمى منصور أبو عبدالله
..........

حال حالنا

حال حالنا .......
بقلمى منصور أبو عبدالله
اه يا بلد وصابها العمى
وكل معقول اترمى
ظلمك وصل حد السما
لا شوفنا فيكى راحه ولا هنا
نموت ومنحققش الامانى
الفرحه فيكى بنشوفها ثوانى
والدموع ايام وليالى
رخص فيكى كل غالى
فيكى ناس بتاكل من الزباله
وناس بتبات ايام جعانه
الظلم فيكى جبال راسيه
وبكل حملك على الغلابه دايسه
كل خيرك لغيرك بتديه
وولدك يوماتى تبهدليه
ناس فينا ساكنه قبور
ومربوطه فى ساقيه بتدور
وتنام تحلم يجى علها الدور
وكتير بيموت ميشوفشى النور
ناهب ارضها اللى اسمه مسؤول
ومين يسمع ومين يقدر يقول
بتختمى لينا ختم خروج
وتاكلنا غربه والم مأجوج
شوفى كام واحد بيتهان
ويتعامل كما الحيوان
وصابر ما هو اصله غلبان
ومش لاقى منك احسان
حسى بقى يا بلد بينا
ولخيرنا اللى ملكنا ورينا
متقطعيش بظلمك ايدينا
وبتعظيم سلام تؤمرينا
يا يتعدل حالك يا تدفنينا
محتاجين حضنك يدفينا
مش نشوف خيرنا بيتنهب قدام عنينا
ولما نصرخ بسجونك تخرسينا
احنا خير كتير بلاش تهدينا
بنحبك قوى بس انتى بتكرهينا

بقلمى منصور أبو عبدالله

منصور

منصور .......
بقلمى منصور أبو عبدالله
دا اللى اسمه من الهم مبتور
واللى عايش حياته كلها مجبور
دا الفرحة فى كوم هموم مغمور
وحكايته عاوزه من الكلام بحور

نبدأها لما كان صغير مطيور
وكبره الهم قولوا عصور
ولد متعايق واسمه منصور
ولما تشوف اللى جواه تقول معذور

عاش حياته كلها بيحلم
انه يكبر ويعرف ويتعلم
ويحب ويتحب ويتكلم
مكنشى يعرف انه حيتألم

وربطه زمانه فى ساقيه بتلف
وشيله هموم الكون على الكتف
عرف الاصول واتعلم العرف
بس شيلته تقلت وعقله بيخف

بيمد ايده للفرحه يلاقيها سراب
ويقصد حوارى السعد اللى غاب
اتارى دنيته كارهاه من غير اسباب
وكل ما يفتح باب يتقفل الف باب

حتى لما حب وعشق زى غيره
معرفشى يوم يضلل على طيره
كان الكلام الحلو دا كبيره
وسهر حبيبه نهاره وليله

اصله ولد بجد خيبان
معرفشى يعمله مكان
ولا عرف يعيش جبان
ولا حتى اتعلم النسيان

كان مالك ومال الحب يا خايب
دا اللى يحب لازم يحارب
عامل نفسك حلو وبتتعاجب
وانت يا مسكين معاك زكايب

منصور دا اللى بيكدب على نفسه
وعايش بيجمل فى حاله وقدره
وهو مليان كسرة من جوه
عرفتوا ولا لسه مين هوه
منصور.........

بقلمى منصور أبو عبدالله

خلى بالك على ابوك

خلى بالك على ابوك
بقلمى منصور أبو عبدالله
فى الحاجه وعز الوجع تلاقيه
ومفيش حد بيفكر فيه
وان جاله وجع محدش يحس بيه
وما فيه حاجه تبسطه كد فرح اللى ليه
**********
عايش حياته حضن وامان
ويدارى لو مره يوم اتهان
وبعد دا كل بنشوفه بحر حنان
وفى الاخر ياخد الحب كما الاحسان
**********
هو الوحيد اللى يتمناك فوقه
ولما تتوجع الخوف مش بيسيبه
ينسى نفسه وحاجتك ما تفوته
ومتعرفشى قيمته غير بعد موته
**********
هو اللى بيوهب حياته ليك
ويتعرى هو بس يدفيك
وان جه مره يقسى عليك
قسوته ديه علشان يعديك
*********
بيديك من غير مقابل ولا تمن
وعمره ما يستنى يوم تديه
لما تنجح بس دا يكفيه
وانت بكل بساطه يوم مايحتاجك
حترميه
*********
ياما بيحرم نفسه علشان خاطرك
وفرحته بس لما يشوف اسمك
صدقنى حتندم طول عمرك
لما ما تخدشى منه بالك
********
دينا قال انت له وكمان مالك
دا اب والله من بعده الدنيا ما تحلالك
واللى تعمله معاه حتلقيه فى عيالك
اصله كله سلف ودين والجميل يبقالك
********
خلى بالك على ابوك
ومتخليش الدنيا وحالك ينسوك
اللى كانت احضانه يدفوك
وادعيلهم زى ما زمان ربوك
********
منصور أبو عبدالله 

لما يسالوكى

بقلمى منصور ابو عبدالله 

لما يسألوكى بحبك ازاى 

وايه دليل حبه الاثبات

قوليلهم 

قبل ما ينام كلمنى ودعالى 

وحتى فى منامه بيقولهالى 

قوليلهم 

بيصحى فى الفجر يدعيلى 

ويرفع ايده لربه انه يخلينى 

وقوليلهم 

عايش علشان بس يحينى 

وياخد من راحته علشان يدينى 

وقوليلهم

فى كل صلاه يذكرنى 

ودا منه بس يكفينى 

وقوليلهم

اسمى فى سبع اشواط مفارقهوش 

وفى عمرته وحجه اسمى منسهوش

وقوليلهم

حبه ليه اكبر من حبى ليه

وبعاده عنى مش بايديه

وقوليلهم

انك نور عنيه

وكل دعوه فجريه

وانك اغلى هديه 

عطاه الرحمن ليه

وقوليلهم 

انى بحبك وانك نور عنيه

وربى وحده العالم بيه

حبيبك ابو عبدالله

قدرى

بقلمى منصور أبوعبدالله
تحالفت مع قدرى ليأخذ ماشاء
ويترك لى حبيبى واللقاء
فخاننى قدرى واخذ منى ومنع العطاء
وما كان يدرى ان حبيبتى هى الهواء
وبعدها عنى اعظم داء
فقربها لعلاتى دواء
وبعدها والموت سواء
فشكرا لك يا قدرى
اخذت منى كل ما اشاء

همسات ٤

اشهد الله وحده اننى احب امراه لا فى جمالها انس ولا جان
مكانها قلبى تسكن عينى انا فى حبها ما الا انسان
لا تسعنى الفاظى وعباراتى فى وصف حوريه من الجنان
احبها وحبها لايسعه كون يحتاج الالاف الالاف الاكوان
لها قلب يمدحه القلم ويصيبه من مدحه حالة من الهذيان
بقلمى قلب الصخر
منصور بدوى



حبيبتى يا بدر الدجى يا ساكنه الروح والفؤاد
يقولون ان اليوم عيد الحب ولكن عند العامه
اما انا فوجودك فى حياتى كل الاعياد
اقولها ولا اخجل حبيبتى انت سيده كل النساء
اعلنها وافتخر انك عندى بكل الاحباب
اهداء الى حبيبتى
بقلمى قلب الصخر
منصور بدوى

انت عنوانى

لا يوجد غيرك يا اميرتى
يجعلنى اقاوم اسوارى
بكى كان مبتدئى
واليك حتما انتهائى
من خلف سجنى
وبعيدا عن سجانى
اصرخ لكى بندائى
تعالى لتطلقى عنانى
فمن غيرك يحطم اسوارى
وما غيرك عنوانى
منصور أبو عبدالله مصر

اكتب لكى

جميلة تسحر القلوب عنوه
في عينها تكتب الف غنوه
لها القلوب تقدم فدوه
يعشقها القلب من كلمه
منصور أبو عبدالله مصر

رمتنى بسهم عيناها
فسرت لا اريد سواها
ولا اقنع بغيرها وسواها
سبحان ربى من سواها
منصور أبو عبدالله مصر

أطلقت العنان لقلمى
ليكتب عنها كلمى
فما كفانى وزاد المى
هى المنى وكل حلمى
منصور أبو عبدالله مصر

الى حبيبتى

بقلمى / منصور ابو عبدالله
سيدتى
من اكون انا
انا كـ يوسف في الجب فكوني انتِ بعض السيارة والتقطيني
فقد عصمت نفسى من حب النساء لاجلك فاعصمينى
وناديت ربى فى بعد حبك ان تبقين تذكرينى
فلا بعدك امرأه يمكن ان تملئ عينى
ولو كانت كزليخه فكلهن ترانيمى
وحدك ايه من الله كتبها على جبينى
احبينى ثم احبينى ثم احبينى
يا سيده عمرى وحياتى وسنينى
الى حبيبه عمرى 

همسات ٣

همسات
اخبرتنى عيناكى وكلمتنى
بنظراتها الحنونه اسرتنى
وقالت لى كم رأتنى
من وراءك نظرتنى
انها تحدثنى وشجعتنى
ان اهوى واعشق سجن به سجنتنى
عيناكى يا انتى اوتنى
واحتوتنى
وسهرتنى
وكوتنى
ولامتنى
ثم بعثرتنى
يالها من اقدار بكى اهدتنى

المم مابقى من اشياء
واتنفس حبك كالهواء
فحضنك والثماله سواء
ودفئك لعطشان مثلى ماء
فلا يتملكك الكبرياء
وارتمى فى احضانى كل مساء
وتنفسى انفاسى دواء
لشوق انا منه براء

للقلوب سلطان به تعشق وتهوى
ومن بسمات ثغرك القلوب تهوى
ومن كلماتك النفس تروى

بين قلوبنا مسافات ومسافات
ولكن للارواح عبر وايات
وفى الحب يصب النيل بالفرات

كلماتى تأبى الخروج منى
وحروفى لكى تعبرنى
لتخبرك ان حبك يسكننى

لا ادرى لما تنساب كلماتى
وفى حضرتك تفيض كتاباتى
واحس بكى خيال اتى

عاشق لا اعرف الحدود
اسافر بلا قيود
لاراكى ايتها العنود

اسلم امرى بين كفيكى
وتذوب روحى بين يديكى
اما حدثى ولا حرج عن عينيكى

بعدهالك يا زمن

وبعدهالك يا زمن
بقلمى منصور أبو عبدالله
************
وبعدهالك يا زمان ما بتحسش
عمال تحمل على كتافى ما بتخفش
اياك فكرنى جبل ما بنخش
ولا علشان ساكت متكلمتش
*********
زاعق على راسى ما بتسكتشى
وموجك عالى على مبيوقفشى
وعادى تدوس على ومترحمشى
لو ليه مكان تانى حسيبك وامشى
**********
إيه بينى وبينك تار ومبيخلصشى
شايلك كفنى وانت ما مبتسامحشى
حملك زاد يا زمن وانا ماقدرشى
بصرخ جواى بس براى مبطلعشى
***********
اصله دمعة الرجال صعبه متطلعشى
نخبيها جوانا تاكلنا بس ماتبنشى
بس كسرتنا واعره قوى متتوصفشى
حن علينا يا زمن ومتتكبرشى
***********
انا المغلوب فيك ومبتكلمشى
ومصيبتى فى طيبتى اللى متنفعشى
خلاص حاوصى نفسى تانى متحلمشى
وتبرك على حالها متقومشى
*************
بقلمى منصور أبو عبدالله 

رد

بقلمى / منصور ابو عبدالله 

ردا على اهانه التافه لاعراضنا ونسائنا

انا الصعيدى اللى سافرت بره 

و جه الكلب وسب عرضى 

يا واد احنا مش من بره 

احنا ولاد الصعيد اسمنا يكفى 

وحريمنا رجاله جوه وبره 

المره عندى تشيل عرضى واسمى 

وانت طبعا متعرفشى العيبه 

وانك كيف تغلط فى اختى وامى

احنا حريمنا يا بنت خال يا بنت عمه 

مش واحده لا تعرفها ولا تعرفنى 

زيك كده تعمل كل مصيبه 

وتقول عادى يا عديم الهيبه 

انا الصعيدى ومراتى اختى وامى 

انا الحر ما اعرف الدياثه فى عمرى 

انزل يا واد وشوف حريمنا فى بلدى 

تحمى المال والعرض والارض اللى ملكى 

ما يقدر حد يمسها طول ماهى على اسمى 

كل مره ليها اسم واصل واساس 

مش شجره فى شارع من غير اساس 

تيجى انت تغلط فى بنت الاصول 

وتفتى وتقول وتقول وتقول 

طيب اسمع يا بنى ادم به مفعول 

الكلام كتيير مش حيخلص ولا يئول 

كل غلط يمكن فى يوم رده 

الا غلطك ات متقدرشى على رده 

انت قلت بس اكيد متفهمشى

ياواد حريمنا دهب متتغيرشى 

احنا نرمى حريمنا فى النار تلمع وتزيد

ياواد بطل كلام وتقول وتعيد 

اعتذر برر اندم فات الندم 

انت ناسى اصلا انك من عدم 

انا سافرت علشان انا راجل

اكل من عرق جبينى وانت منين بتاكل 

مين نصبك تتكلم عيش واحفظ حياتك 

واحفظ شرف مراتك اللى هنته 

حتى قبل ما تبدأ معاها حياتك 

يلى كان وكان ايه اصلك 

علشان تيجى يوم تغلط فى اسيادك 

والله خساره فيك الكلام 

نسامحوك تبقى بتحلم

حتسامحينى ياما

حتسامحينى ياما
بقلمى منصور أبو عبدالله ...
تعبتى وبان عليكى الكبر يا امى
تعبتى يا امى وزودت على همى
ضاقت الدنيا ياما فى وشى
تعبتى يا غاليه وتعبك فى قلبى

سامحينى امانه يا غاليه سامحى ابنك
سامحينى علشان انا مش جنبك
انتى عارفه انى عايش بحسك
والله يا امى اكتر ما بقول بحبك

بتقولى ياما فينك يا ولدى
ليه مش قاعد هنا جنبى
سيبنى اقول اه وحدى
يا خساره تربيتى وتعبى

حقك على امانه يا امى
والله مش بيدى بعدى
انا هنا فى غربتى
بس جنبك روحى وقلبى

مش انتى اللى قلتى سافر
متنفعشى تقعد هنا تكابر
ولازم تتغرب وتعافر
وتقول طيب وحاضر

مش قلتى عيالك بيكبروا اهم
ولازم ترعاهم وتشيل الهم
سافر وخلى عندك دم
واشقى علشان تسلم

مكنتيش عارفه انك بتكبرى كمان
وعاوزه منى رعايه وحنان
اديكى كبرتى وتعبتى كمان
وانا هنا واقف حيران

مال جذر الحنان وشاخ
وكل نفس فى بعدك باخ
وقلبى دقاته صراخ
والكلمه قبلها الف آآخ

امانه عليكى ياما تسامحينى
وروقى كده وكلمينى
برقدتك دى حتموتينى
دا قولة اه منك بتدبحينى

وعارفك ياما حتسامحينى
بقلمى منصور أبو عبدالله..

همسه ٢

بقلمى /منصور ابو عبدالله
الى حبيبتى

ادركت اليوم انى لا اريد سواكى
انت سيدتى وحبيبتى ومولاتى
لكى وحدك اشعارى وكلماتى
ففراقك عنى اول نهاياتى
اه والف اه اقولها فى غيابك
تمنيت النوم ولكنه عصانى
لا يعرفه جفنى الا بين احضانك
فدفء حضنك بالشهد اسقانى

مقدمة يوميات خائف بلا خوف

عندما نمسك الاقلام لنكتب
تتوارى السطور خوفا من مشاعرنا
نخاف ان نكتب فنجرح ولكننا
نسبح بكلمات يعج بها الفؤاد
تارة عن الحب ولا نرتوى
وتاره عن الحزن ولا نكتفى
وكلمات الخائف اصدق ما يقال
ودائما نسطرها بلا خوف
لأن اقلامنا حره لا تخاف مثلنا
تلك هى .........
يوميات خائف بلا خوف
الشاعر
منصور أبو عبدالله

وصيه ٢

بقلمى منصور أبو عبدالله
اقلك ......................
ولا كل ايد اتمدلتك بالخير تمدلها
فكل كلمه ليها مقصد من قايلها
ربنا يكفيك شر ناس تعرفك وتعرفها
ان جاتك نعمه من الله تدعيه يزيلها

واذا ما مالت عليك الاحوال
دعها تفعل ما تشاء
فنحن لها ما دامت الأنفاس
ودعك فيها من قيل وقال الناس
فما جعل ربك داء الا وله دواء
وكل ما فى الدهر إلى زوال

ولا ترجو من لئيم حسن صنيع
فسيبقى مهما على الوضيع وضيع
وعف نفسك عن شكوى بك تضيق
ففرج ربك يأتى دوما بعد الضيق

ومن بين دمع والالام تنبت رجال
وما خلق على الأرض شئ بكمال
وارفع وجهك لعالم الخفى والأسرار
وقل يارب النفس كلت من حزن وأفكار

قربك

اه يا قربك
اه يا قربك ماذا تفعلين
حضورك مولاتى يذيب السنين
وينشر عبق الورد والياسمين
لعلك تعرفين ودوما تشهدين
ان فى قربك سيد العاشقين
فهلمى الى ولا تبخلين
واذيبى بقربك الشوق والحنين

منصور أبو عبدالله مصر

امى

امى
مال الكلام فيكى صغير
وكل معانيه بتتغير
حتى الحروف معاى بتسهر
لما اجى اكتب بحس انى صغير
انا فى حنانك مش بعرف اكتب
وقدامك ابدا معرفشى اكدب
ولم تكونى زعلانه منك بهرب
من نهر حنانك بغرف واشرب
يا ضحكة دنيتى كلها
علشانك دمعتى بلمها
واسكت عن دنيتى وغدرها
يا اسم وصوره يحلالى ضمها
مقدرشى يا ناس اوصف حبها
دى امى
منصور أبو عبدالله
مصر

بعين قلبى اراكى

حجبت عنى رؤية العالمين
عند مغيبك مولاتى
احتاج الى قلبين
وحياة فوق حياتى
لاعشق كيفما اريد
يا عشقى الوحيد
مهما بعدت عنكى
فبعين القلب اراكى
عشقتك ولا اعشق سواكى
واراكى متى اراكى
انتى هوى حق له امتلاكى
ومن فرط حبى بقلبى اراكى

منصور أبو عبدالله

اه ومليون اه

اه الف ومليون
بقلمى / منصور ابو عبدالله
اه مره وعشره ومليون
اه من دمعه ساكنه العيون
اه من زمن صبح مجنون
اه الف ومليون
صرخه بتطلع من غير صوت
انا حى على الارض بصوره الموت
انا اللى كل ما اصحى الاقى نفسى بموت
اه الف ومليون
اه يا عزيز راح منى وسابنى
اه يا غالى غدر بيه وخانى
اه يا اقرب مالى لما باعنى
اه الف ومليون
اه من صرخه جواى و مكتومه
ومن ناس ظالمه وتقول مظلومه
والظلم كانه معادله ومنظومه
اه الف ومليون
اه لما ترسم طريق لنفسك
وتلاقى مليون حاجه تصدك
وتملى يوقف قدامك حظك
اه الف ومليون
اه لما ماتعرفشى مين الطيب
والضربه جيالك من غريب ولاقريب
اه يا ناس من زمن اغرب من العجيب
اه والف مليون
اه لما تنسى كل الاسيه
وتعامل الناس بطيبه وحنيه
يقولولك انت مش من الدنيا ديه
اه الف ومليون
اه لما تعمل الصح وتلاقى الصد
وتراجع نفسك متلقيش الرد
وتحب الناس وتقرب تلاقى البعد
اه الف ومليون
انا اسمى الحزن نفسه
وانا اللى دايما يجى على نفسه
ويحترم الناس وينسى شخصه
اه الف ومليون
انا اللى بكتب كتير عن الوجع
وانا اللى بصبر نفسى واقول جدع
وانا اللى من قلبه الفرح وقع
اه الف ومليون
اه من كلمه مكتوبه
على ورقه محبوسه
والف منها جواى مكتومه
اه الف ومليون

وصيه

الموت كأس كل العالمين ذائقه
وما طار طائر والا ويوما سيدركه
ومن صدقه كل ابن ادم لا يذكره
حق الوجود والميعاد لمن يعرفه
والصبر فيه واجب علينا فعله
و بالله نرجو حسن خاتمته
واسعد من بنا منا لحضرته
او انه ربى خليفة يهنئ بدعوته
الموت حق وكل الناس ذائقته
فارحم يا ربنا بمن عليه كتبته
واتى ميعاده وحانت رحلته
الدعاء والصبر زاد لمن فارقته
خير سبيل لمسلم طابت وجهته
منصور أبو عبدالله

همسات

ما اخترت يوما ان تفارقينى
ويكوينيى شوقى وحنينى
ففى بعدك يزداد انينى
فما غير حبك يروينى
اقتربى منى واسقينى
من شهد قربك املئينى
بالله لا تتركينى
اقاسى نار بعدك وحنينى


فاضت بحور عشقى
وما يكفيها وصفى
يعجز عنها شعرى
انتى انشودة حبى
وجميل عطاء من ربى
وما جملنى الا فيكى قدرى
عاجز فى حضرتك قلبى
اما فى غيابك تغيب نفسى
ويزداد من لوعتى همسى
فانت مرساى وشطى
فى حبك ابحرت سفنى
وفردت فى عشقك اشرعى
فلا تتركينى وتبعدى
فما ادرى ما يقتلنى
انتى قهوتى ومزاجى
وخمر شفتيكى مشربى
اعاقر خمرك وارتوى
من حسن بسمتك بقربى
منصور أبو عبدالله



سامتطى الريح واتيكى
ولكن حبى لا يكفيكى
احتاج قلب فوق قلبى لاهديكى
لو روحى بيدى لها اعطيكى
يا سيدة عمرى الا يكفيكى
انى متيم بعينيكى


جميلة انتى كصباح يخلو من الضوضاء
كنسمة ربيع تخللت برد الشتاء
نجمة انتى تضئ فى كبد السماء
قمرا يضئ لى ظلمة المساء
حكايه عشق جذبت كل القراء
فى حضرتك كل النساء
جمالهن ودلعهن يذهب هباء
عطرك وحده يملئ الاجواء
ولكن حبك ما بين حاء وباء
فاللغه يا عمرى عاجزة عن الاصغاء
لا تطاوعنى فى كتابة اهداء
فلا شعر يكفى ولا غناء
وكيف اصف حب كالهواء
اعيش به دون استغناء
ولا املك الا حروف واسماء
اسميكى عمرا قلبا ام سماء


انتى يا حب تعجز عنه الكلمات
ويا عشقا تقتله الاهات
عندما اراكى ارى البسمات
حب يملئ ما قد مضى وما هو آت
حب عمر يعذبه البعاد
وعشق يملئ الفؤاد
من حبنا زادت الاحقاد
حب ينير كل السواد

لى حلم يكاد يمزق اضلعى
فما اصعب التمنى
حلمى باحضانك يؤرق مخدعى
ما اجمل حبك والتجلى
عينيك بحر اطلق فيه اشرعى
واغوص بمجاديف التحلى
عندما تتلامس بيديك اصبعى
يملؤنى الكبر والتعلى
سناء الفاعور
من نهر حرفك يسوقنى قلمى
وعبير الفاظك يشفى المى
جميل منكى وترفعين علمى
وترفرف بين السطور كلمى

فى بحور همسك تختفى الاوطان
ويذوب بين يدى الوقت والازمان
واحس بانك يا عمرى كل الاكوان
ملكتى روحى وقلبى والكيان
ولم يكنى فى بالى والحسبان
ان يصل حبك لحد الهذيان
عشقتك عشق لا يعرف النسيان
عشق لا يعرفه بنى الانسان
حياة عمر باختصار كيان
اعيش فيه خارج الازمان
وحدى لا يشاركنى انسان
عشق ابدى له الوفاء عنوان

لمسة ايدك

لمسة ايدك
بقلمى منصور أبو عبدالله
..........
هات ايدك خليها حاضنه ايدى
ياللى حبك بيجرى فى وريدى
يوم قربك منى هو عيدى
..........
انت عمرى وكل اللى بتمناه
انت اللى عاوزه وبهواه
وانت اللى ملى قلبى هواه
.........
عارف لما ايدى تمسك ايدك
بحس فى قلبى هواك
وانه الدنيا ملهاش طعم بلاك
...........
لمسه ايدك عندى انا حياه
ولو فى قلبى مليون اه واه
اول ما المسك كل الألم بنساه
..........
لمسه ايدك جنه بعيش فيها
وحنان لمستك بعمرى افديها
وكلام الدنيا كله ما يوفيها
.......
خلى ايدك دايما تحضنى
وعن كل الخلايق تبعدنى
ايدك وحدها من موتى تحينى
..........
حنان الكون كله حبيبى فيك
بحبك وبحب لمسه ايديك
ولو طلبت عينى متغلاش عليك
......بس انت سيب ايدى فى ايدك

منصور أبو عبدالله
مصر

تعالى احكيلك

تعالى احكيلك عن حبى 

وعن شئ ساكن فى قلبى 

تعالى اسمعى الندى منى 

انا اللى احتار الناس فى حبى 

ساعه يقول على عاشقك 

وساعه يقولوا على ليه سايبك 

وساعه يغيروا لما اقول وصفك 

تعالى واسمعينى ايه اقولك 

انا بشوف كل يوم ميت واحده 

وكل واحده منهم بتغمزلى غمزه 

وتتمنى منى ولو كلمه 

بس القلب مش شايف غيرك بالمره 

منهم الشقرا ومنهم السمره 

ومنهم اللى جمالها عبره 

بس وسط عناقيد النسا انتى الدره 

وانتى الحاجه الوحيده اللى مفهاش غلطه 

تعالى ياللى مكتوبه على جبينى 

ومعزتك من معزه ارضى وطينى 

حبك مش كلام دا بيمشى فى شرايينى 

ولما اتوه عن نفسى الاقى حبك بيهدينى

منصور أبو عبدالله

 مصر

سامحينى ياما

حتسامحينى ياما
بقلمى منصور أبو عبدالله ...
تعبتى وبان عليكى الكبر يا امى
تعبتى يا امى وزودت على همى
ضاقت الدنيا ياما فى وشى
تعبتى يا غاليه وتعبك فى قلبى

سامحينى امانه يا غاليه سامحى ابنك
سامحينى علشان انا مش جنبك
انتى عارفه انى عايش بحسك
والله يا امى اكتر ما بقول بحبك

بتقولى ياما فينك يا ولدى
ليه مش قاعد هنا جنبى
سيبنى اقول اه وحدى
يا خساره تربيتى وتعبى

حقك على امانه يا امى
والله مش بيدى بعدى
انا هنا فى غربتى
بس جنبك روحى وقلبى

مش انتى اللى قلتى سافر
متنفعشى تقعد هنا تكابر
ولازم تتغرب وتعافر
وتقول طيب وحاضر

مش قلتى عيالك بيكبروا اهم
ولازم ترعاهم وتشيل الهم
سافر وخلى عندك دم
واشقى علشان تسلم

مكنتيش عارفه انك بتكبرى كمان
وعاوزه منى رعايه وحنان
اديكى كبرتى وتعبتى كمان
وانا هنا واقف حيران

مال جذر الحنان وشاخ
وكل نفس فى بعدك باخ
وقلبى دقاته صراخ
والكلمه قبلها الف آآخ

امانه عليكى ياما تسامحينى
وروقى كده وكلمينى
برقدتك دى حتموتينى
دا قولة اه منك بتدبحينى

وعارفك ياما حتسامحينى
بقلمى منصور أبو عبدالله..

ملعون يادى الشعر

بقلمى / منصور ابو عبدالله
ملعون يادى الشعر
ملعون يادى السهر
غلطان كل اللى صبر
من الظلم تعلمنا السكات
وخبينا جوانا الاهات
وكل ضحك القلب مات
انا طيب وعبيط وغلبان
انا طبع جار عليه الزمان
اطعن من القريب واقول كمان
انا اللى مش عاوز حاجه منها
ولا الدنيا دى ليه مكان فيها
لا عمرى عشمت ولا تحزمت بيها
عارفها دنيا وغداره
وعسلها بطعم المراره
ومتاكد انها دواره
اشرب المر فيها والحنظل
واتارينى عبيط واهبل
لا بتعلم وكل مالى بادبل
انا بكتب عن الحزن وانا مش دارى
وببنى بنى والدار مش دارى
حتى ضحكتى فيها طعم مرارى
انا الساكت وحافضل ساكت
ومش حاصرخ مهما ضاقت
يا ما ناس علشان تعيش ماتت
يا كل واحد بتفكرنى حزين
انا حزنى يكفى كل اللى عايشين
ويفضل منه كمان للميتين
ويلومنى الناس على حزنى
طب اعمل ايه مع حظى
مش عارف انا معانده ولا هو معاندنى
كل ما اجى اكتب ضحكه
تطلع غصب عنى دمعه
والحزن يسبق كل كلمه
على السطر بكتب الحلم
انى انسى الاسى والظلم
وكانى فرحى خطيه وجرم
الاه مش كلمه تتقال
ولا دمع على الخد سال
الاهه الم مبيفارقش البال
انا كل ليله قبل النوم ليه حكاوى
اكون على النسيان والنوم ناوى
الاقى الالم ان هربت يجينى في منامى
الوم على عيش وملح كان
ولا صحاب مليش بينهم مكان
ولا غريب طلع خسيس وجبان
انا اللى بادى عشره وحب
الاقى خيانه تضرب ضرب
وفى حزنى انا لا ينفع دواء ولا طب
ملعون يادى الشعر
ملعون يادى السهر

ملعون ابو دى ذكريات
ازاى اعيش وقلبى مات
واضحك وانا ببكى...
ولسه عايش فى اللى فات
وتيجى صوره مقطوعه ..
ابصلها واضحك
وعيونى فيها موجوعه .
لكن بضحك ..
ف ناس تسيبك وتسيبها
وعادى جدا مهتقصرش
وناس تجرح وف قلبك
تخرجها مبتعرفش
وناس تضحك على وجعك
وانت فى وجعها مبتقصرش
ملعون ابو دى ذكريات

حصالة وجع

حصالة وجع 

بقلمى منصور أبو عبدالله 

ليه الوجع مستقصدنى 

وكل يوم ابات على هم يوجعنى 

اصرخ بعلو الصوت ولا حد سامعنى 

انا بقيت حصالة وجع 

مع انى طيب وجدع 

ولا يوم ملكنى الطمع 

ياه على قلبى وبكاه 

تعبت انا من قولة اه 

شايف جرحى ومش عارف دواه 

راضى بقسمتى وبنصيبى 

طب يمكن طيبتى هى عيبى 

والزمن بيحلاله تعذيبى 

جواى صراخ من غير صوت 

عايش بس حاسس بالموت 

عمرى بيعدى منى ويفوت 

عمرى ما بحكى ولا أشكى 

وبحط همى كله فى شعرى 

ومسلم لله مصيرى وامرى 

بس ليه الوجع عاملنى تسليته 

وواخد قلبى مسكنه وبيته 

ومش عارف يوم اسيبه 

الوجع كأنه بحر انا فيه غرقان 

والزمن جاى عليه كمان 

انا ما بقتش حاسس انى انسان 

انا حصالة وجع مبتتملاش 

واجى افرح الوجع يقول بلاش 

اللى زيك ما يستهلهاش 

ايه ذنبى اللى عملته 

حتى حقى من الفرح ما اخدته 

طب هاتولى حد اكون ظلمته 

مين يجاوب قلبى عن سؤاله 

ويقوله ايه اللى بيجراله 

وليه الوجع مش سايبه فى حاله 

عمرى حقى ما يوم اخدته 

ولا جيت على زمانى عاتبته 

بس ليه الوجع عاملنى حصالته 

بقلمى /منصور أبو عبدالله

على السقاله
بقلمى منصور أبو عبدالله
اهو انا اللى متشعلق فى حبة امل
وانا اللى شايل على كتافى حمل جبل
بعافر واسافر واسعى واشتغل
على عرقين سقاله واقف عامل بطل

بدق مسمار فى نعش القدر
واقول مسيرها تحلو يابشر
اتارينى بضيع حياتى هدر
ومكتوب على الحزن ويا السهر

ديتى مسمار يسيب او عرق يتكسر
اصله الغلبان حياته حبة صور
متشعلق فى امل وزمانه به غدر
حب ينشف على الايام قام اتعصر

على سقاله عيشه والسلام
ما احنا كماله والعيشه احلام
فى الفجر نصحى نوحد العلام
ورزقنا على اللى لا يغفل ولا ينام

نترمى فى غربه وجبال
لاجل ما نعدل الاحوال
وندوق الذل والترحال
ونموت من غير سؤال

على عرقين سقاله الموت تالتهم
تصرخ الغلابه ومين يسمعهم
مظلومين بس ومين ينصفهم
مكتوب عليهم الموت يصاحبهم

منصور أبو عبدالله

بسم الله الرحمن الرحيم
يوميات خائف بلا خوف
     للشاعر /منصور بدوى عبدالله حسن
           وشهرته
الشاعر /منصور ابو عبدالله