طبع الرجوله
بقلمى منصور أبو عبدالله
انا اللى طول عمرى فوق زادى غله ما دقته
بس هم الزمان كان لى كاسات و شربته
بلعت كلام الاسيه كما الحجر ما دقدقته
وقليبى بيدى طعم المر والحنضل شربته
طبعى حمال من يومى وصغرى
اماشى الرجال وطريق الصح ما حدته
اشوف السبع ما خافه يصغرى
اكتب كلام الحق وعمر قلمى ما حودته
المرجله يا واد عمى مش بكلام ولسان
دا طبع موروث من الاجداد وفى الدم
اوعاك تجيب سيرة الخلق وتكون لسان
ياما كلام اتقال طلق بحور من الدم
اسمع كلام الكبار ومنه اتعلم
خير الكلام اللى يقل ويدل
اوزن كلامك قبل الكلام واتكلم
ياما كلام ركب صحابه عار وذل
كلام الرجال اصول وقانون
وطول ما انا على حق حاقول
عمر كلام الحق ما راح يخون
ودايما طريق الصح كله شوك وعاقول
ومنين نجيب ناس لمعناة الكلام يفهموه
وفى ناس لما تفهم الكلام بينسوه
متبكيش على اللى فلوساته علوه
ودور على اللى ناسه ربوه
............
بقلمى منصور أبو عبدالله
