بلياتشو ........
بقلمى منصور أبو عبدالله
كله بيلعب على الحبال
تقولشى البعيد بلياتشو
كلامه حلو ينفع موال
وعمره ما يزهق من هتشو
لابس عمة مش لايقاله
ورامى على كتفه عبايه
ولافف رقبته بشاله
وعمره ما يصون الولايه
الشكل عنضفر بس فى المظهر
وجواه نداله تعبى الكون
عامل فيها سبع وعنتر
وياما رجاله سيقاها البطون
بسم الحق يتكلم ويعلى صوته
وعاوز الناس تمشى وراه
محدش ضامن فينا موته
ولا حد حياخد مركز ولا جاه
عاوز يعلم اللى حواليه
ويعمل عليهم كبير
ميعرفش الضربه منين تجيه
دا ربه كفيل حتى بالطير
قال الله وقال الرسول
والنفس من جوه خربانه
حلو كلامه والقول
معملشى حساب يوم القيامه
منين نجيب ناس تفهم الكلام ومعانيه
يادى الزمان دا وبلاويه
ناس تدى وعد متعرفشى توفيه
واللى بيتكلم باسم الناس السفيه
لو قابلك حد نافش الريش
سيبه للزمان وهو يربيه
ياما اكتر الناس الهيش
وكل واحد ربك بعمله يجازيه
دقدقت حروف الكلام دقديق
وكتبت بقلمى الفايده والخلاصه
عمره الرده ما حتبقى دقيق
والرجوله عن الكبار ناخدوها وراثه
بقلمى منصور أبو عبدالله
